盧 淑 儀 坐 月 期 間 ， 李 克 勤 同 樣 放 產 假 陪 老 婆 ， 親 力 親 為 照 顧 囝 囝 Ryan ， 兩 公 婆 同 樣 冇 覺 好 ， 好 在 有 外 母 主 理 膳 食 和 煲 愛 心 靚 湯 補 一 補 。 （ 資 料 圖 片 ）

克 勤 在 blog 內 ， 以 「 回 家 真 好 ， 一 家 三 口 睇 曼 聯 」 為 題 ， 放 了 家 中 兩 頭 愛 犬 的 相 ， 表 示 他 們 在 上 周 六 (27 日 ) 出 院 ； 並 自 爆 首 次 做 爸 爸 佢 「 手 忙 腳 亂 」 ， 不 過 忙 得 好 開 心 ； 又 大 讚 囝 囝 Ryan 好 乖 ， 而 老 婆 Emily 亦 安 好 。

克 勤 湊 仔 之 餘 ， 仍 不 忘 留 意 各 大 報 章 的 報 道 。 周 三 ， 有 雜 誌 自 稱 拍 到 Ryan 真 身 ， 他 即 在 網 上 留 言 ， 重 申 相 片 中 絕 非 Ryan ， 又 再 向 大 家 表 示 一 家 三 口 快 樂 地 過 新 生 活 。

克 勤 叫 司 機 買 晾 衫 架 ， 翌 日 即 用 來 晾 起 BB 的 「 夾 衣 」 和 克 勤 的 灰 色 底 褲 。

司 機 當 日 到 超 市 買 了 不 少 日 用 品 ， 包 括 初 生 嬰 兒 尿 片 和 給 盧 淑 儀 補 鈣 的 全 脂 奶 等 。

克 勤 小 時 精 靈 可 愛 ， 再 加 埋 盧 淑 儀 的 大 眼 ， 相 信 Ryan 都 幾 靚 仔 。

10 月 29 日 兩 老 街 市 掃 貨
盧 淑 儀 唔 夠 奶 水 ， 盧 媽 媽 日 日 買 木 瓜 ， 煲 魚 湯 俾 女 兒 谷 奶 。 由 於 連 日 來 照 顧 愛 女 一 家 ， 一 向 貪 靚 的 盧 母 ， 披 頭 散 髮 去 街 市 買 ， 真 是 勞 心 勞 力 。

盧 媽 媽 每 次 買 魚 ， 都 會 行 勻 成 個 街 市 ， 睇 邊 檔 最 新 鮮 才 買

盧 爸 爸 及 盧 媽 媽 分 別 到 三 個 街 市 和 超 市 掃 貨 ， 最 後 拿 包 括 有 魚 、 菜 、 木 瓜 、 豬 骨 、 豬 潤 等 八 袋 菜 到 克 勤 家 。

10 月 28 日 李 父 探 孫
周 日 早 上 ， 本 刊 發 現 克 勤 老 竇 探 孫 ， 並 走 出 露 台 左 望 右 望 ， 未 知 是 否 視 察 樓 下 有 沒 有 記 者 。

日 灌 5 碗 木 瓜 魚 湯 　 盧 淑 儀 谷 奶 水

李 克 勤 盧 淑 儀 的 愛 情 結 晶 品 Ryan 提 早 兩 星 期 出 世 ， 得 六 磅 半 重 。 據 知 盧 淑 儀 為 了 谷 肥 囝 囝 ， 堅 持 餵 人 奶 ， 搞 到 冇 覺 好 ， 加 上 囝 囝 大 食 ， 奶 水 供 不 應 求 。
盧 媽 媽 愛 女 心 切 ， 朝 朝 晨 咁 早 到 街 市 揀 靚 木 瓜 靚 魚 ， 煲 湯 俾 愛 女 谷 奶 餵 孫 。 咁 都 唔 只 ， 仲 要 做 埋 阿 四 ， 頻 頻 撲 撲 穿 梭 街 市 及 超 市 ， 買 足 八 袋 去 女 婿 屋 企 整 「 九 大 簋 」 ， 真 係 難 為 天 下 父 母 心 。 至 於 克 勤 夫 婦 ， 就 貫 徹 低 調 作 風 ， 不 但 唔 出 街 ， 更 謝 絕 好 友 探 訪 。

為 了 照 顧 囝 囝 ， 克 勤 一 早 已 向 無 請 假 ， 更 講 明 去 唔 到 周 六 （ 3 日 ） 晚 的 《 翡 翠 歌 星 賀 台 慶 》 。 但 據 知 無 有 感 欠 缺 有 份 量 歌 手 ， 曾 多 番 游 說 克 勤 ， 希 望 他 以 神 秘 嘉 賓 出 席 。 不 過 他 最 後 都 推 辭 了 ， 專 心 一 意 做 湊 仔 公 。

餵 人 奶 吃 力
知 情 者 說 ︰ 「 初 時 克 勤 都 話 考 慮 出 席 台 慶 ， 但 老 婆 盧 淑 儀 餵 人 奶 餵 得 好 吃 力 ， 因 為 奶 水 唔 足 。 克 勤 見 老 婆 咁 辛 苦 ， 都 唔 敢 走 開 。 佢 話 依 家 換 尿 片 已 經 好 熟 手 喎 ， 佢 兩 個 初 為 人 父 母 ， 係 緊 張 。 克 勤 話 囝 囝 好 大 食 ， 所 以 老 婆 日 日 要 飲 5 碗 木 瓜 魚 湯 谷 奶 。 」
據 知 二 人 原 本 打 算 請 陪 月 ， 不 過 盧 媽 媽 疼 錫 女 兒 ， 一 口 否 決 ， 更 親 力 親 為 ， 日 日 到 克 勤 屋 企 照 顧 女 兒 及 外 孫 。 連 日 來 ， 記 者 發 現 盧 媽 媽 每 朝 都 買 大 量 煲 湯 材 料 ， 煲 靚 湯 俾 女 兒 谷 奶 。
上 周 六 （ 27 日 ） 克 勤 一 家 三 口 避 過 在 醫 院 守 候 的 傳 媒 ， 秘 密 出 院 。 另 一 邊 廂 ， 盧 媽 媽 亦 忙 於 為 愛 女 坐 月 準 備 。 早 上 十 時 許 ， 她 在 將 軍 澳 寓 所 附 近 買 了 兩 個 木 瓜 ， 然 後 乘 車 到 坑 口 街 市 ， 跟 魚 檔 老 闆 話 ： 「 俾 幾 條 靚 牛 鰍 魚 ， 用 煲 木 瓜 ， 唔 該 。 」 然 後 拿 菜 乘 的 士 到 克 勤 寓 所 ， 至 晚 上 九 時 才 離 去 。

讚 外 孫 大 食
29 日 上 午 ， 盧 氏 夫 婦 更 走 勻 將 軍 澳 三 個 街 市 ， 選 購 最 新 鮮 菜 ， 又 乘 小 巴 到 克 勤 屋 企 整 「 九 大 簋 」 。 由 於 盧 父 一 直 身 在 上 海 工 作 ， 未 見 過 孫 仔 。 乘 車 途 中 ， 記 者 聽 到 盧 媽 媽 滔 滔 不 絕 向 老 公 提 及 孫 仔 趣 事 ： 「 BB 日 日 都 唔 同 樣 ， 噚 日 睇 佢 對 眼 似 個 女 ， 但 襯 家 就 話 個 嘴 同 鼻 似 足 女 婿 。 隻 曳 豬 （ 外 孫 ） 好 鬼 大 食 ， 不 時 口 擘 擘 ， 好 似 食 極 都 唔 夠 。 叫 個 女 隔 餐 溝 奶 粉 ， 唔 係 點 夠 食 ？ 佢 又 話 唔 好 ， 咪 辛 苦 自 己 ！ 唏 ， 做 媽 咪 都 係 辛 苦 喇 … … 」
除 了 盧 氏 夫 婦 ， 據 知 克 勤 父 母 亦 日 日 探 孫 。 看 李 、 盧 兩 家 上 上 下 下 總 動 員 照 顧 ， Ryan 果 然 是 超 級 金 叵 羅 。

雞 鴨 旺 添 丁

曾 經 揚 言 要 生 一 隊 足 球 隊 的 李 克 勤 ， 在 寓 所 睡 房 窗 前 ， 擺 下 風 水 陣 ， 希 望 三 年 抱 兩 ， 盡 快 湊 成 個 好 字 。
據 風 水 命 理 學 家 吳 佩 孚 表 示 ： 「 擺 放 公 雞 和 鴨 子 道 理 一 樣 ， 公 雞 代 表 旭 日 初 昇 ， 即 係 旺 陽 氣 ， 有 助 添 丁 ， 亦 可 廣 招 人 緣 ， 有 利 桃 花 。 克 勤 從 事 演 藝 事 業 ， 當 然 要 多 桃 花 。 」